કઢાઈ માં ૩ ચમચી શુધ્ધ ઘી ઉમેરી ને ગરમ કરો ને પછી થોડો થોડો ગુંદર ને ઉમેરી ને સરસ તળી લો અને ઠંડા થાય એટલે ખાંડી લો.

પછી એ જ કઢાઈ માં થી ઘી કાઢી લઈ ને તેમાં કાજુ- બદામ ને ચારોળી ને વારાફરતી શેકી લો અને ઠંડા થાય એટલે કાજુ બદામ ને અધકચરા ખાંડી લો.

પછી ટોપરા ની છીણ ને ગેસ ની ધીમી આંચ પર રાખી ને શેકી લો પછી તેમાં ખસખસ ઉમેરી ને સરસ શેકી લો

હવે,એજ કઢાઈ માં ઘી ગરમ કરી ઘઉં નો લોટ ઉમેરી ને સરસ શેકો,જરૂર પડે થોડું થોડું ઘી ઉમેરતાં જવું ને લોટ આછો બદામી રંગ નો થાય ત્યાં સુધી શેકી લો.

પછી શેકેલા લોટ માં શેકી ને અધકચરા ખાંડેલો કાજુ બદામ ભૂકો,ચારોળી,કાટલુ પાઉડર ઉમેરી ને સરસ ભેળવી લો.

પછી તેમાં શેકેલું સૂકાં નારિયેળ નું છીણ,ખસખસ અને સૂંઠ પાઉડર ઉમેરી ને સરસ ભેળવી લો.

ગેસ ની આંચ બંધ કરી ને તેમાં થોડીક સાકર ઉમેરી ને મિક્સ કરી લો પછી તેમાં છીણેલ ગોળ ઉમેરી ને સરસ હલાવી લો અને ઘી થી ગ્રીસ કરેલ થાળી કે ચોકી માં મિશ્રણ ને ઠાલવી ને સરસ ફેલાવી દો.

મિશ્રણ ને સરસ ફેલાવી ને વાટકી ના પાછળના ભાગે થોડું ઘી લગાવી ને મિશ્રણને લીસુ કરી લો,પછી મિશ્રણ ઉપર તળેલ ગુંદર, કાજુના ટુકડા, બદામ ના ટૂકડા,ચારોળી, ખસખસ, ટોપરા નું છીણ ને ભભરાવીને સારી રીતે દબાવી લો.