સૌપ્રથમ સામગ્રીમાં દર્શાવ્યા પ્રમાણેની તમામ દાળને મિક્સરમાં કકરી પીસી લેવી. ત્યારબાદ તેમાં બે ટેબલસ્પૂન દહીં અને આવશ્યકતા અનુસાર પાણી નાખી અને ખીરું તૈયાર કરવું આ ખીરામાં મેથીના દાણા નાખી મિક્સ કરી અને ચાર કલાક માટે ઢાંકીને મૂકી રાખો. ત્યારબાદ તેમાં લીલું લસણ, લીલા ધાણા ક્રશ કરેલ આદુ-મરચા, મીઠું નાખી મિક્સ કરી લો.હવે એક વઘારીયામાં તેલ ગરમ કરો. તેલ ગરમ થાય એટલે તેમાં રાઈ હિંગ હળદર મીઠી લીમડી નાખી અને આ વઘાર ખીરામાં રેડી દો.

બધું જ બરાબર મિક્સ કરી લો. ઈનો નાખી ફરીથી મિક્સ કરો. નોનસ્ટીક પેનમાં એક ટીસ્પૂન તેલ નાખો. તેની ઉપર તલ નાખો અને હવે ૩ ચમચા ખીરુ તેમાં નાખો. તેની ઉપર ફરીથી તલ છાંટી દો. ગેસની સ્લો ફ્લેમ પર ઢાંકીને મૂકી રાખો. ત્રણથી ચાર મિનિટ પછી ચેક કરવું. તેની સાઇડ પલટાવી નાખવી. હવે ફરીથી બીજી સાઈડ 4 થી 5 મિનિટ સુધી ધીમા તાપે કુક થવા દેવુ. ત્યારબાદ ગેસ ઓફ કરી દેવો ઠંડું પડે એટલે તેના પીસ પાડવા.