સૌપ્રથમ ચણાની દાળને ધોઈ અને ચાર કલાક માટે પલાળી રાખવી. ત્યારબાદ દુધી છોલી અને કટ કરી લેવી. હવે એક મોટા તપેલામાં ત્રણ ગ્લાસ પાણી ઉકળવા મૂકો અને તેમાં કાણાવાળુ વાસણ મૂકો. અને તેમાં સમારેલી દૂધી નાખો. ચણાની દાળમાંથી પાણી નિતારી લઈ ચણાની દાળ પણ તેમાં બાફવા મૂકી દો. 20 મિનિટમાં દુધી અને દાળ બંને બફાઈ જશે. પેનમાં તેલ ગરમ કરો. તેલ ગરમ થાય એટલે રાઈ અને જીરું ને ક્રેક કરી હિંગ નાખી અને તેમાં ટામેટા સાંતળો.

લીલુ લસણ, છીણેલુ આદુ, લીલા મરચા એડ કરો. ગેસની સ્લો ફ્લેમ પર સાંતળો. હવે તેમાં સામગ્રીમાં દર્શાવ્યા પ્રમાણેના તમામ મસાલા મીઠ એડ કરો.

હવે ટામેટા માંથી તેલ છૂટું પડવા લાગે એટલે તેમાં બાફેલ દુધી અને ચણાની દાળ એડ કરો. એક કપ ગરમ પાણી નાખો. મિક્સ કરો. ગેસની સ્લો ફ્લેમ પર ત્રણથી ચાર મિનિટ માટે ઉકળવા દેવું. ત્યારબાદ ગેસ ઓફ કરી દેવો. તૈયાર છે દુધી ચણાની દાળનું શાક.