સૌપ્રથમ એક તપેલીમાં બે કપ પાણી ગરમ કરો. પાણી ઉકળે એટલે તેમાં લીલી તુવેરના દાણા નાખો અને બાફી લો. બફાઈ જાય એટલે પાણી નિતારી લેવું. હવે એક તપેલીમાં દહીં લઈ લો. તેમાં ચણાનો લોટ તથા મીઠું નાખી અને બ્લેન્ડર ફેરવી લો. ધીમા તાપે ગેસ ઉપર મૂકો.

એક પેનમાં ઘી ગરમ કરો. તેમાં જીરુ, લવિંગ અને તજ ક્રેક કરો. ત્યારબાદ તેમાં તમાલપત્ર, મીઠી લીમડી, સૂકા લાલ મરચાં, મેથી દાણા નાખીને સાંતળો. ચપટી હિંગ નાખો. તૈયાર કરેલ દહીં અને લોટવાળું મિશ્રણ તેમાં નાખો.

ગેસની મીડિયમ ફ્લેમ પર રાખો. હવે તેમાં ગ્રીન ચટણી તથા છીણેલું આદુ એડ કરી અને મિક્સ કરો.

ઉકળતી કઢીમાં બાફેલા લીલી તુવેરના દાણા એડ કરો. મિક્સ કરો અને ધીમા તાપે ઉકળવા દો. કઢી ઘટ્ટ થઈ જાય અને સરસ ફ્લેવર આવવા લાગે એટલે તેમાં લીલુ લસણ એડ કરી મિક્સ કરો.