રીંગણને પાણીથી ધોઈ કપડા વડે લુછી લો. હવે, રીંગણમાં છરીથી આકા પાડી તેલ લગાવીને ગેસ ઉપર શેકવા મુકો. પછી, રીંગણને ધીમે ધીમે ફેરવતા રહી ૫ થી ૭ મીનીટ માટે સારી રીતે શેકી લો. ઠંડા થાય પછી રીંગણની ઉપરની છાલ અને ડીંટીયાનો ભાગ કાઢી કાંટાવાળી ચમચીથી તપાસીને સ્મેશ કરી લો.

ખલમાં આદુ, મરચા અને લસણને અધકચરા ખાંડી લો. લીલા લસણ અને ડુંગળી નો સફેદ અને લીલો ભાગ અલગ અલગ સમારી લો. હવે, કઢાઈમાં તેલ ગરમ કરી તેમાં રાઈ, જીરું, હિંગ, હળદર, લીલી લસણ અને ડુંગળીનો સફેદ ભાગ ઉમેરીને ૨ મિનીટ સુધી સાંતળી લો.

પછી, તેમાં આદુ, મરચા, લસણની પેસ્ટ ઉમેરીને ૪ થી ૫ મિનીટ માટે ટામેટાં નરમ પડે ત્યાં સુધી ચડવા દો. હવે, લીલા લસણ અને ડુંગળીનો લીલો ભાગ, ટામેટા અને મીઠું ઉમેરીને સાંતળો. ત્યારબાદ વાટેલી લીલી પેસ્ટ, ધાણાજીરૂ, ગરમ મસાલો અને મીઠું ઉમેરીને મિક્સ કરી લો.

મસાલામાંથી તેલ છૂટું પડે પછી તેમાં શેકેલા રીંગણ ગ્રેવીમાં મિક્સ કરીને ૫ મિનીટ માટે ચડવા દો. પછી કોથમીર ઉમેરીને મિક્સ કરી લો.

તો લીલો રીંગણનો ઓળો પીરસવા માટે તૈયાર છે.