ચોખા અને ચણા દાળ, મગ ની પીળી દાળ અને અડદ ની સફેદ દાળ લો,હુફાંળા પાણી નો ઉપયોગ કરી ને બે થી ત્રણ વખત ધોઈ પછી પાણી માં ત્રણ થી ચાર કલાક માટે પાણી માં પલાળીને,ઢાંકણ ઢાંકી ને રાખો.
૪ કલાક પછી દહીં ઉમેરી ને હલાવી લો ને થોડાક પલાળીને રાખેલ દાળ અને ચોખા ને મિક્ષચર જાર માં ઉમેરી ને દરદરુ ક્રશ કરી લો. આ રીતે બધાં જ દાળ ને ચોખા ને દહીં ઉમેરી ને સરસ દરદરા પીસી લો ને સાતેક કલાક માટે ઢાંકણ ઢાંકી ને રાખો.

સાતેક કલાક પછી ઢાંકણ ખોલી ને ચકાસો સરસ આથો આવી ગયો હશે, પછી તેમાં થોડુંક પાણી, ૧/૪ ચમચી હળદર, ૧/૨ ચમચી મીઠું, ૧ ચમચી આદુ-મરચાં ની પેસ્ટ, ૩ ચમચી તેલ ઉમેરી ને સરસ હલાવી લો.
ઢોકળિયાં માં પાણી મુકી ગરમ કરવા રાખી ને ડીશ ને તેલ લગાવીને રાખો.
ખીરામા ઈનો ૧/૨ ચમચી ને થોડું પાણી ઉમેરી ને સરસ મિક્ષ કરી લો.
થાળી માં ખીરા નું મિશ્રણ ઉમેરી ને ઉપર લાલ મરચું ભભરાવીને બાફવા રાખો.

ઢોકળા સરસ બફાઈ જાય પછી બીજી થાળી પણ તૈયાર કરી બાફી લો.
ઢોકળા ની થાળી ઠંડી થાય એટલે ઉપર તેલ લગાવી ને મનગમતા આકાર ના કાપા પાડી ને સર્વ કરો.