૨ ચમચા ઘી ગરમ કરી તેમાં ચણા નો લોટ ધીમા તાપે ૨-૩ મિનિટ માટે શેકવા મુકો. તેને કાઢી ને મુકો. હવે તેજ કઢાઈ માં માવો શેકો. ઘી છૂટું પડે ત્યાં સુધી શેકી લો. તેમાં શેકેલો લોટ ને સૂકા મેવા નો ભૂકો ઉમેરી ને ગેસ બંધ કરી લો. ઠંડુ થઇ પછી તેમાં એલચી નો ભૂકો ઉમેરી. હવે મેંદો લઇ તેમાં ૨ ચમચા ઘી ઉમેરી ને કઠણ કણેક બાંધી ને ૧૫ મિનિટ માટે મૂકી દો. ૧/૨ કપ માવા માં બૂરું ખાંડ ઉમેરી ને બરાબર ભેળવી લો.

લોટ ની કણેક માં થી લુઆ કરી ને પુરી વણી લો. તેમાં માવા નું મિશ્રણ મૂકી ની કચોરી ની જેમ વાળી ને બંધ કરી લો. હળવે હાથે તેને પેટીસ નો આકાર આપો. બધી ઘારી આ રીતે તૈયાર કરી લો. તળવા માટે ઘી ગરમ કરો.મધ્યમ તાપે ઘારી ને તળવા મુકો. બધી ઘારી ને મધ્યમ તાપે તળવી. ઘારી ઉપર ચમચી થી ઘી રેડી ને તળવી. ગુલાબી રંગ ની થાય એટલે કાઢી લેવી. ઘારી ઠંડી થાય એટલે તેને પિઘળેલા ઘી માં ડુબાડી ને મુકો.

એક વાડકા માં ઘી ને ૧/૨ કપ બૂરું ખાંડ ને ફેટી લો કે તેનો રંગ બદલાશે ને ફુલશે ત્યારે એને ઘારી પર રેડવું. પછી તેને જમવા ૧/૨ કલાક ફ્રિજ માં મૂકી દો.ફ્રિજ માં થી કાઢી ને બીજી વાર ઘી-ખાંડ નું મિશ્રણ રેડવું. જમવા મૂકવું.પિસ્તા ની કતરણ ને કેસર ના તાંતણા થી સજાવી ને પીરસો. સુરત ની પ્રખ્યાત મીઠાઈ સુરતી ઘારી. ચંદી પડવા ના દિવસે ઘારી ખુબ ખવાય છે.ઘારી તૈયાર છે પીરસવા માટે.

ભૂસું માટે : તળેલા પૌંઆ મમરા શેકેલા ગાંઠિયા તીખા મોળા બન્ને સેવ પાપડી લીમડા શીંગદાણા નો વઘાર કરી લેવો બધુ બનાવી મીઠું નાખી હલાવી લેવું. ઘારી સાથે ખાવાની ખૂબ જ મઝા આવે છે.