પનીર બનાવવા દુધને ગરમ કરવા મુકવું, પછી તેમાં લીંબુનો રસ નાંખવો, હલાવવું, દુધ ફાટી જાય એટલે બન્ધ કરી દેવું.પછી તેને ચારણી માં કાઢીને પાણીથી ધોઈ લેવું, બરાબર નિતારીને પાણી કાઢી લેવું, પછી હાથથી મસળવું, લીસું થાય ત્યાં સુધી. માપનાં કપથી માપીને લેવું

કડાઇમાં સહેજ ઘી ચોપડી લેવું, પછી તેમાં પનીર, કન્ડેન્સ મિલ્ક, દુધનો પાવડર, નાંખી ને સતત હલાવતાં રહેવું, કડાઈથી છુટું પડે એટલે થઈ ગયું.પછી ત્રણ ભાગ કરીને, એકભાગમાં ગુલાબની પાંદડીઓ, બીજા ભાગમાંમાં વાટેલું કેસર અને પિસ્તાનો ભુકો, અને ત્રીજા ભાગમાં કોફી પાવડર નાંખવો, સ્વાદ પ્રમાણે કોકો પાવડર કે પછી જે સ્વાદ કરવો હોય એ નાંખી શકાય.
પછી થોડીવાર ફ્રિઝમાં મૂકીને ઠરે પછી જે શેપ આપવો હોય એ આપીને ડેકોરેટ કરવું.