સૌથી પહેલાં કેક બનાવવા ના ટીનને ગ્રીસ કરવા માટે તેલ ચોપડી અને થોડો મેંદો ભભરાવી ને વધારાનો લોટ ખંખેરી લેવો અને કડાઈમાં કાંઠો મૂકીને ઉપર ગ્રીસ કરેલું ટીન મૂકીને ધીમા તાપે ગરમ કરવા મૂકી દેવું.
૧ ૧/૨ કપ મેંદોમાં ૧/૨ ટીસ્પૂન બેકીંગ પાવડર, ૧/૪ ટીસ્પૂન ખાવાનો સોડા નાખીને ચાળી લેવું.
૧ કપ દુધમાં ૧ કપ આખી ખાંડ નાખીને બરાબર હલાવી ને પીગાળી લેવી, અને તેમાં ૧/૪ કપ તેલ નાખીને બરાબર હલાવવું.

પછી તેલ-દુધના મિશ્રણ ને મેંદા માં નાખીને બ્લેન્ડર થી બરાબર વલોવવું.
પછી ખીરાના ત્રણ ભાગ કરવા.
એક ભાગમાં પાઈનેપલ એસેન્સનાં ૫-૬ ટીપાં, બીજા ભાગમાં સ્ટ્રોબેરી એસેન્સ નાં ૫-૬ ટીપાં નાખીને બરાબર હલાવી લેવું, ત્રીજા ભાગમાં
૨ ટેબલસ્પૂન ડ્રીંકિંગ ચોકલેટ પાવડર નાખીને બરાબર હલાવી લેવું.

પછી ગરમ કરેલા કેકના ટીનમાં પહેલાં ચોકલેટ પાવડરવાળું મિશ્રણ રેડવું, પછી તેની ઉપર સ્ટ્રોબેરી એસેન્સ વાળું મિશ્રણ રેડવું, પછી તેનાં ઉપર પાઈનેપલ એસેન્સ વાળું મિશ્રણ રેડવું, એમ વારાફરતી એ જ ક્રમમાં રેડતાં જવું.
પછી કેક નાં ટીનને ગરમ કડાઈ માં મુકીને ઢાંકી દેવું.
૪૦ થી ૪૫ મીનીટ એકદમ ધીમા તાપે રાખવું.નોંધ : કડાઈ નાની મોટી હોય કે કેકનું મિશ્રણ વધારે હોય તો ૧ કલાક જેવું લાગી શકે છે.

ચપ્પુ ખોસી જોવું, જો ચોંટે ના તો કેક થઈ ગઈ કહેવાય.પછી એકદમ ઠન્ડી પડે પછી ટૂટીફ્રુટી થી સજાવી ને પીસ કરવા.