રાજમા ને ૮ થી ૧૦ કલાક પલાળી દેવા. ચોખા ને ધોઈ ને પલાળવા ત્યાર બાદ ઓસાવી લેવા.

રાજમા ને બાફી લેવા. બાફવામાં મીઠું નાખવું. બફાઈ ગયા બાદ ૧ ચમચી બટર મૂકી રાજમા વઘારવા. તેમાં મેક્સિકન મિક્સ herbs નાખવા.

ટામેટા, ડુંગળી, લસણ, કેપ્સીકમ અને લીલા મરચાં ને ગેસ પર શેકી લેવા ત્યારબાદ છાલ ઉતારી ચોપર માં એકદમ ઝીણા ચોપ કરી લેવા. ત્યાર બાદ તેમાં મીઠું નાખી દેવું. વધારે સ્પાયસી કરવા લીલા મરચાં વધારે લઈ શકાય. ગ્રીન ચીલી સોસ પણ નાખી શકાય. શેક્યા વગર પણ ઉપયોગ કરી શકાય છે. શેકવાથી સ્મોકી ટેસ્ટ આવે છે.

ડુંગળી અને કેપ્સીકમ ને લાંબા સુધારી લેવા. ૧ ચમચી બટર માં સાંતળી લેવા. તેમાં મીઠું, ઓરેગાનો અને ચીલી ફ્લેક્સ નાખવા.

મકાઈ ને બાફી દાણા કાઢી તેમાં મીઠું, ઝીણી સમારેલી ડુંગળી અને ટામેટાં નાખી, મેક્સિકન herb નાખવા.

ઓસાવેલા ભાત ને ૨ ચમચી બટર મૂકી વઘારવા. તેમાં કોથમીર અને લીંબુ નાખવું. મીઠું નાખવું. લેમન સિલાંતરો રાઈસ બનાવવા.

અવાકાડો ને ઝીણું સમારવુ. એના ઠળિયા તેમાં નાખી દેવા જેથી તેમાં કાળાશ નાં આવે. હવે ડુંગળી, ટામેટું, લીલાં મરચાં, લસણ પેસ્ટ, કાકડી, લીંબુ નો રસ અને મીઠું નાખી પેસ્ટ જેવું બનાવી દેવું. ગુઆકામોલે તૈયાર.

Tortillas માં આ બધું ભરી ને ચિપોટલે રેપ પણ બનાવી શકાય.