બાસમતી ચોખા ને ધોઈ ને થોડી વાર પલાળવા. ત્યારબાદ ઓસાવિ લેવા. ઠંડા કરવા.

પાલક ને ધોઈ સમારવું. કપડા પર પાથરી ને કોરું કરવું. કોરું થાય એટલે તેમાં કોર્ન ફ્લોર નાખી મિક્સ કરવું. અને ગરમ તેલ માં તળવું. ક્રિસ્પી થાય ત્યાં સુધી મધ્યમ તાપે તળવું. પેપર નેપકીન પર કાઢી લેવું જેથી એક્સ્ટ્રા તેલ નીકળી જાય.

ચીઝ અને દૂધ મિક્સ કરી ગેસ કે ઓવન માં ગરમ કરવું. જ્યાં સુધી ચીઝ મેલ્ટ નાં થાય ત્યાં સુધી. વચ્ચે હલાવતા રેહવુ. એકદમ બરાબર મિક્સ થાય એટલે તેમાં અલપીનો મરચું અને ઓલિવ ઝીણા સમારી ને નાખવા. ઓરેગાનો અને ચીલી ફ્લેક્સ નાખવા. મિક્સ કરવું. ચીઝ સોસ તૈયાર. જો વેલવેટા ચીઝ નાં મળે તો એકલા પ્રોસેસ ચીઝ થી પણ આ રીતે સોસ બનાવવો. ત્યારે પ્રોસેસ ચીઝ ૧૫૦ ગ્રામ લેવું.

પેન માં તેલ ગરમ કરી આદુ, લસણ અને મરચા નાખી ડુંગળી નાખવી. સહેજ શેકાય એટલે બધા વેજીટેબલ નાખી કુક કરવું. હવે ભાત નાખી મીઠુ, મરી અને સોયા સોસ નાખી સરખું મિક્સ કરવું. હવે ક્રિસ્પી પાલક થોડું નાખી મીક્સ કરવું. રાઈસ તૈયાર.

એક પેન મા બટર ગરમ કરી લસણ નાખવું. અને બ્રાઉન થાય ત્યાં સુધી શેકવું.

એક પ્લેટ મા રાઈસ મૂકી ઉપર ક્રિસ્પી પાલક મૂકવી. હવે ચીઝ સોસ નાખવો. પછી બટર ગારલીક નાખવું. લીલી ડુંગળી નાં પાન થી સજાવવું. પ્લેટ તૈયાર.