સૌપ્રથમ સોજી મા બેસન,દહીં અને જરૂર મુજબ પાણી ઉમેરીને જાડું ખીરું તૈયાર કરો. ઢાંકીને ૧૦-૧૫ મિનિટ સુધી રહેવા દો. ત્યારબાદ તેમાં છીણેલી દૂધી, છીણેલું ગાજર, કેપ્સીકમ, બાફેલા અમેરીકન મકાઈના દાણા, બાફીને ક્રશ કરેલા અમેરીકન મકાઈના દાણા, સમારેલી કોથમીર, મીઠું, હળદર, લાલ મરચું પાઉડર, વાટેલા લીલા મરચાં અને વાટેલું લસણ ઉમેરીને બરાબર મિક્સ કરો. જરૂર પડે તો થોડું પાણી ઉમેરીને જાડું ખીરું તૈયાર કરો.

હવે જ્યારે ડંગેલા બનાવવાના હોય ત્યારે ખીરામાં ફ્રુટ સોલ્ટ ઉમેરો. ખીરામાં વચ્ચે ફ્રુટ સોલ્ટ મૂકી તેની ઉપર ૧ ચમચી જેટલું પાણી રેડી તરત જ એક જ દિશામાં ગોળાકાર હલાવી લો.

એક કઢાઈમાં અથવા પાનમાં ૨-૩ ટેબલસ્પૂન તેલ ગરમ કરો તેમાં રાઈ ઉમેરો. રાઈ તતડે એટલે ૨-૩ ટેબલસ્પૂન તલ ઉમેરો. ૨-૩ મોટા ચમચા ખીરું રેડી ફેલાવો. ઢાંકીને ધીમા તાપે ૫-૬ મિનિટ સુધી અથવા સોનેરી થાય ત્યાં સુધી થવા દો. ત્યારબાદ બીજી બાજુ પલટાવી થોડું તેલ રેડી સોનેરી થાય ત્યાં સુધી થવા દો. આ રીતે બધા ડંગેલા તૈયાર કરો. ડંગેલા ને ટોમેટો સોસ, લીલી ચટણી અથવા તેલ સાથે પરોસો.

નોંધ:- તમે તમારા મનગમતા શાકભાજી ઉમેરી શકો છો.