ઢોકળી બનાવવાની રીત: સૌ પ્રથમ એક તપેલી માં બે ગ્લાસ પાણી ગરમ કરવા મૂકો.. તેમાં 1 ચમચી લાલ મરચું પાવડર અડધી ચમચી હળદર 1 ચમચી ધાણાજીરું પાવડર અને એક ચમચી આદુ લસણ મરચાની પેસ્ટ ઉમેરો.. જરૂર મુજબ મીઠું ઉમેરો.. હવે આ પાણી ઊકળી જાય ત્યારબાદ આપણે ચણાનો લોટ નાખતા જઈશું અને વેલણની મદદથી હલાવતા જઈશું.. તેને સતત હલાવતા રહેશો જ્યાં સુધી આપણો લોટ ભેગો થઈને વેલણ સાથે ચોટી નો જાય.. હવે આપણે આ લોટને એક તેલ લગાવેલી થાળીમાં પાથરી દો..ઠંડી થાય ત્યાર બાદ કાપા પાડી લઈશું..

કઢી બનાવવાની રીત: સૌપ્રથમ આપણે છાશમાં ત્રણ ચમચી ચણાનો લોટ મિક્સ કરી દઈશું.. ત્યારબાદ એક કડાઈમાં તેલ ગરમ કરવા મૂકી તેમાં રાઈ, જીરું, હિંગ, સૂકા લાલ મરચા, મીઠો લીમડો અને તમાલપત્ર એડ કરી દો. હવે તેમાં બચેલી એક ચમચી આદુ લસણ મરચાની પેસ્ટ ઉમેરી દો.. હવે તે સંતળાઈ જાય ત્યારબાદ મિક્સ કરેલી છાસ ઉમેરી દો.. હવે તેમાં હળદર, લાલ મરચું, ધાણાજીરું, મીઠું અને ખાંડ ઉમેરી દો.. હવે તેને ધીમા તાપે ઉકળવા દો.. કઢી ઉકળવા લાગે ત્યારબાદ તેમાં આપણે ઢોકળી ઉમેરી દઈશું.. પાંચ મિનિટ સુધી ધીમા તાપે ઉકળવા દો...

હવે આપણે કઢી ઢોકળી એકદમ તૈયાર છે.. એને એક બાઉલમાં લઈને ઉપરથી લીલા ધાણા સાથે ગાર્નિશ કરો.. તેને રોટલી, ભાખરી કે બાજરાના રોટલા સાથે ખાઈ શકાય છે...