તુવેર દાળ ને અર્ધો કલાક માટે પાણીમાં પલાળીને રાખો. ત્યાર બાદ સારી રીતે સાફ કરીને, પ્રેશર કૂકર માં ૫ થી ૬ સિટી વગાડીને પકવી લો.

કૂકર ઠંડુ થાય ત્યાં સુધી, ઢોકળી માટે લોટ બાંધી લો. એક મોટી કથરોટ માં, ઢોકળી માટે ની બધી સામગ્રી ભેગી કરી લો, પાણી સિવાય. થોડું થોડું પાણી નાખી ને થોડો કઠણ લોટ બાંધી લો. લોટ ને ૧૦ મિનિટ માટે બાજુ માં મૂકી દો.

બાફેલી દાળ ને બ્લેન્ડર થી સારી રીતે બ્લેન્ડ કરી લો. એક મોટા વાસણમાં દાળ ને ધીમી ગેસ પર મૂકી દો.હવે હળદર પાઉડર, લાલ મરચું પાવડર, ધાણાજીરૂ પાઉડર અને મીઠું નાખી ને સારી રીતે મિક્સ કરો. ત્યાર બાદ તેમાં ગોળ અને ઇમલી (પાણી સાથે) નાખી ને બધું મિક્સ કરી દો. હવે સીંગદાણા અને જરૂર મુજબ પાણી નાખી ને સારી રીતે મિક્સ કરો.

હવે ઢોકળી માટે ના લોટ નો એક નાનો લુવો બનાવી ને, થોડી જાડી રોટલી વણી લો. ચાકુ વડે, ચોરસ કે લંબચોરસ ટુકડા કરી ને, દાળ માં નાખી દો. આ રીતે બધા લોટ ની ઢોકળી બનાવીને, દાળ માં નાખી દો.