आता पाण्यात थोडे मीठ घालून बटाटे साधारण ५ ते ६ मिनिटे मध्यम आचेवर अर्धेच शिजवून घ्या व नंतर गॅस बंद करून बटाटे चाळणीत पाणी गाळून थंड करत ठेवा. आता मॅरीनेट करण्यासाठी एका बाऊल मध्ये मैदा, तांदूळ पीठ, आलं लसूण पेस्ट, काश्मिरी मिरची पावडर थोडे थोडे पाणी घालून जरा जाडसर मिश्रण बनवावे. व त्यात बटाटे मिक्स करून घ्या.

आता गॅसवर कढईत तेल तापवून त्यात मिक्स केलेले बटाटे क्रिस्पी होईपर्यंत तळून घ्या.

आता दुसऱ्या पॅनमध्ये तेल तापवून त्यात चिरलेला लसूण, पातीचा कांदा आणि तिन्ही शिमला मिरची (लाल पिवळी हिरवी) घालून मोठ्या आचेवर परतावे. चायनीज पदार्थ हे मोठ्या आचेवर बनवतात. नंतर त्यात सोया सॉस, टोमॅटो सॉस आणि चिली सॉस घालावा. आणि व्यवस्थित क्रिस्पी परतल्यावर त्यात थोडे मीठ घालून (आधी बटाट्यात मीठ घातलेले होते) तळलेले बटाटे घालून २ मिनिटे परतून वरून कांद्याची पात घालून गॅस बंद करा.