सर्व प्रथम लसूण आले यांचे बारिक तुकडे करून घ्यावे. मिरचीचे ही मोठे काप करून घ्या. आता एका वाटीत मीठ, साखर, सोया साॅस घालून घ्या.

आता त्यात अर्धी वाटी पाणी घालून हलवावे. साखर विरघळली पाहिजे.आता वांगे लांब काप करून घ्या. भरताची वांगी नसल्यास छोटी वांगी वापरली तरी चालतील. कढईत तेल गरम करत ठेवावे आता यात वांग्याच्या फोडी टाकून पाच ते सात मिनिटे मध्यम आचेवर ठेवून दोन्ही बाजूंनी चांगले भाजून घ्यावे.सतत उलटू नये फोडींचा रंग बदलला की त्यात आले लसूण चे तुकडे टाकून परतवावे. सोबत मिरची ही घालून घ्यावे. आता त्यात बारीक चिरलेला कांदा घालावा व थोडा हलवावे.

दोन मिनिटं चांगले परतून वाटीतले मिश्रण ओतावे. यातच शेझवान चटणी घाला वांगे शिजले नसल्यास त्यात थोडे पाणी घालून शिजू द्यावे.

शेवटी शेगंदाणा कुट घालून हलवावे. कांदा पात घालून घ्यावे आणि गरमागरम सर्व्ह करा. ही भाजी आपण चपाती, फूलके,बटर रोटी,नान सोबत सर्व्ह करावे.