चिरलेल्या भाज्या खालील प्रमाणे.

एका भांड्यामध्ये एक वाटी मैदा आणि पाव वाटी कॉर्न फ्लोअर मिक्स करून घ्यावे, यात एक चमचा लाल तिखट व मीठ घालून पुन्हा एकजीव करावे, यात एक अंडे घालून छान फेटून घ्यावे. नंतर यात थोडे थोडे पाणी घालून सतत ढवळा, जेणे करुन गुठळ्या होणार नाहीत. मिश्रण भाजीच्या पिठाप्रमाणे जाड असावे, खाली दर्शविले आहे.

कढई मध्ये तेल गरम करून घ्या, पीठ मध्ये कोळंबी बुडवून एक एक तळून घ्या, दोन्ही बाजूला छान लालसर होऊ द्या. टी शू पेपर वर पसरवून अतिरिक्त तेल काढून घ्यावे. सध्या कोरोना मुळे मांसाहार विषयी बऱ्याच शंका आहेत तेव्हा मासे किंवा चिकन, मटण काहीही असो व्यवस्थित शिजवून घ्या.

एका नॉनस्टिक पॅनमध्ये तेल गरम करून घ्या. यात मिरची लसूण व आले परतवून घ्या. यांचा रंग बदलला की या वर कांद्याची पात सोडून इतर सर्व भाज्या मोठ्या आचेवर परतवून घ्या. चायनीज शिजवताना गॅस मोठाच असावा. यात आधी सोया सॉस, व नंतर चिली सॉस घालून परतावे.

नंतर चवीनुसार मिठ व थोडीशी साखर घालून पुन्हा छान परतून घ्यावे, यात आत्ता तळलेली कोळंबी घालून पुन्हा एकजीव करावे. वरून कांद्याची पात घालावी. चायनीज पदार्थ नेहमीच गरम गरम सर्व्ह करण्यात मजा येते... गरमागरम चिली प्रॉन स्वाहा होण्यास तयार... मासे खणाऱ्यासाठी हे फार आवडीचे स्टार्टर आहे..