प्रथम एका भांड्यामध्ये कणिक घेऊन त्याच्यामध्ये हळद तिखट हिंग ओवा मीठ असं सर्व घालून पाण्याने घट्ट भिजवून घेणे. म्हणून तेलाचा हात लावून पुन्हा एक सारखे मळून घेणे.

कणिक पंधरा मिनिटा नंतर मुरल्यावर जाडसर लाटून त्याच्या हव्या त्या आकाराच्या लाट्या करून घेणे थोडक्यात पुऱ्या तयार करून घेणे. ह्या पुऱ्या तयार झाल्या की वाफवून घ्यायच्या आहेत परंतु मी या इडलीच्या यंत्रांमध्ये ठेवून वाफवून घेतल्या आहेत.

त्यामुळे आपली छान खोलगट पुरी तयार झाली आहे. ही मसाला पुरी हलकि आणि टेस्टी ही लागते. ही पुरी इडली यंत्रातून काढल्याने आपल्याला हवा तसा खोलगट आकाराचा शेप ही मिळतो. अगदी सहज वाफवून सुंदर पुरी तयार झाली आहे.

ग्रीन चटणी साठी घेतलेले सर्व साहित्य आपण एका मिक्सरच्या भांड्यात घालून थोडे पाणी घालून एकदम बारीक, घट्टसर अशी पेस्ट करून घेतली आहे. आणि आपली सुंदर ग्रीन चटणी तयार आहे.

इथे आपण दोन तास आधी चिंच आणि गूळ पाण्यामध्ये भिजत ठेवलं आहे नंतर त्याची पेस्ट बनवून, गाळून ती एका गरम कढई मध्ये घालून त्यात तिखट आणि मीठ घालुन त्याला एक उकळी आणली आहे. त्यामुळे ही चटणी दाट आणि टेस्टी होते. जेव्हा आपल्या पुऱ्या तयार होत असतात तेव्हा आपण या दोन्ही चटण्या तसेच शिजलेल्या बटाट्याचे काप कांद्याचे काप टोमॅटोचे काप असे तयार करून घ्यावे. शेंगदाणेही वाफवून घ्यावे. डाळिंबाचे दाणे सोलून तयार ठेवावे. म्हणजे इथे आपली मसाला पुरी चे साहित्य झटपट तयार होते.

आता आपण सगळे साहित्य कांदा, टोमॅटो, बटाटा, डाळिंब, वाफवलेले शेंगदाणे, हिरवी चटणी, गोड चटणी एका छोट्या भांड्यामध्ये व्यवस्थित काढून तयारी करून घ्यावी आणि आपल्या पुऱ्या एका प्लेटमध्ये सजवून मांडून घ्याव्यात. ते झाले की फोटोत दाखवल्याप्रमाणे पुरीमध्ये बटाटा, कांदा, टोमॅटो, शेंगदाणे, डाळींबाचे दाणे, शेव, गोड चटणी, हिरवी चटणी थोडासा चाट मसाला असं सगळ घालून पुरी तयार करून घ्यावी.

अशाप्रकारे आपल्या सर्व पुऱ्या तयार करून प्लेटमध्ये भरून घ्या आणि खायला द्याव्या. अतिशय टेम्पटिंग चटपटीत स्टीम मसाला चाट पुरी तयार आहे. तुम्ही जरूर बनवा आणि सर्वांना खायला द्या ह्या टीम पुऱ्या असल्याने पचायला हलक्या तर आहेच चावायलाही सोपे आहेत. त्यामुळे वयस्कर लोक किंवा अतिशय लहान मुले यांच्यासाठी अतिशय उत्तम आहेत. आणि घरच्या घरी गव्हाच्या बनवल्यामुळे अजूनच उपयुक्त आहेत.