#मोमोज आज जरा गम्मतच झाली बघा. सकाळी छान ताज ताजं भाजीच आणलं. मग भाज्या स्वच्छ करून घेतल्या आणि फ्रीज मधल्या टबमध्ये ठेवायला घेतल्यात. तर टबमध्ये चीमलेली काकडी आणि बीट माझ्याकडे बघत होते. नवीन भाजीच आणलं की, जुन्या भाजीची सोय आधी लावावी लागते. वाया जाऊ द्यावसं वाटत नाही. आमच्या घरी बीटचा जेवणामध्ये सलाद म्हणून वापर जरा कमीच असतो. म्हणून बीट आणि काकडीचे किसून मी नेहमी पराठेच करत असते. बीट मुळे हिमोग्लोबिन वाढतं आणि आपण स्त्रियांना याची फारच आवश्यकता असते. म्हणून पराठे म्हणा किंवा सलाद म्हणा कोणत्या ना कोणत्या मार्गाने शरीरात बीट गेले पाहिजे.
अरे हो गंमत तर राहिलीच सांगायची! हं तर मग ही चिमलेली काकडी आणि बीट माझ्यावर रागावलेले दिसत होते. म्हणून आधी त्यांना गोंजारून त्यांची सोय लावणे गरजेचे होते. मग तेच आपलं नेहमीप्रमाणे शिलून ,किसून घेतले. किसल्यावर ते दोघेही अगदी ताजे दिसायला लागलेत. आणि मग माझा मूडच चेंज झाला. मला वाटले नेहमी नेहमी काय ते पराठेच पराठे बोर झाले होते खाऊन. म्हणून काहीतरी वेगळं कराव, तर मोमोज करायची कल्पना डोक्यात आली. आणि त्या बिट, काकडीचे मी मोमोज केलेत. नेहमी मोमोज मध्ये भाज्यांचा वापर केला जातो पण मी सलाद चा वापर करून मोमोज केलेत. हल्ली स्टीम करून करत असते पण आज फ्राय करून केलेत. करताना थोडं वाटलं की मी काहीतरी विचित्र तर करत नाहीये ना! पण नाही असं काहीच झालेले नाही,एकदम अफलातून क्रिस्पी झालेत, चवीला सुद्धा मस्त. घरी सगळ्यांना आवडले. आणि माझी फ्राईड बीट मोमोज रेसिपी सार्थकी झाल्याचे मला समाधान मिळाले.😍 चला तर मग बघुयात सलाद पासून मोमोज कसे तयार करायचे ते.........