प्रथम मुगडाळ २-३ वेळा पाण्यात धुवून घ्या. चाळणी मध्ये पाणी निथळून मग डाळ कापडावर १०-१२ मिनिटे पसरून ठेवा. मग कढई मध्ये १ टेबलस्पून तूप घाला आणि ती डाळ त्यामध्ये ७-८ मिनिटे मिडीयम आचेवर भाजून घ्या. भाजताना सतत हलवत रहा. मग ती ताटामध्ये काढून घ्या. त्यानंतर साखर मिक्सर मधून बारीक वाटून घ्या. भाजलेली डाळ पूर्ण थंड झाल्यावर मिक्सर मधून जाडसर वाटून घ्या.

आता कढई मध्ये २ टेबलस्पून तूप घालून वाटलेली डाळ त्यामध्ये भाजून घ्यावी. साधारण ४-५ मिनिटांनी अर्धा कप दूध त्यात घालून नीट गुठळ्या मोडून भाजावे, परत २-३ मिनिटांनी उरलेले अर्धा कप दूध घालून ४-५ मिनिटे भाजावे. थोडा रंग बदलू लागेल मग त्यात साखर घालून ती विरघळेपर्यंत मिक्स करा २-३ मिनिटांनी गॅस बंद करा. बदाम काजू तुकडे तुपामध्ये भाजून तेही तयार लाडू मिश्रणात घाला. वेलची पावडर घाला. साधारण थंड झाले की लाडू वळावेत.