प्रथम एका पसरट भांड्यामध्ये बटर व पिठीसाखर फेटून घ्यावी. त्यामध्ये व्हॅनिला एसेंस, बेकिंग पावडर घालून थोडा थोडा मैदा ऍड करत जावा व मिश्रण एकत्र करत रहावे.

भांड्यातले हे मिश्रण फोटो मध्ये दाखवल्या नुसार दिसेल. हे मिश्रण पराती मध्ये घेऊन त्याचे 02:01 प्रमाणात भाग करून मोठ्या भागात थोडे थोडे दूध घालून मळून बाजूला ठेवावे. दुसर्‍या भागामध्ये रंग घालून पहिले सारखेच दुधाने भिजवून घ्यावे.आता रंग दिलेला गोळा क्लिन रॅप मध्ये घेऊन अर्धा सेंटीमीटर जाडीचे लाटून आवडते आकार कापून घ्यावे.

त्यानंतर ह्या कापांना ब्रश ने पाणी लावून एकावर एक ठेवून क्लीन रॅप मध्ये घट्ट गुंडाळून पंचवीस ते तीस मिनिटासाठी फ्रिझर मध्ये ठेवावे.त्यानंतर बाहेर काढावे.

यानंतर रंग न वापरलेल्या गोळ्याने रंगीत काप कव्हर करून पुन्हा त्याला क्लीन रेप मध्ये घट्ट गुंडाळून रोल करून घ्यावे व पुन्हा पंचेवीस ते तीस मिनिटासाठी फ्रीजरमध्ये ठेवावे.त्यानंतर बाहेर काढावे.

फ्रीजर मधून काढलेल्या रोल चे काप करावे व पूर्वी गरम केलेल्या मीठ घातलेल्या कढईमध्ये एक ईंचाचे स्टॅण्ड वर एका ताटलीवर हे काप ठेवून वर झाकण ठेवावे. मंद गॅसवर सात ते आठ मिनिटे होऊ द्यावे.कुकीजच्या कडा हलक्या सोनेरी झाल्या की गॅस बंद करावा.गार झाल्यावर सर्व्ह करावे.. परफेक्ट बेकरी स्टाईल व्हॅनिला कुकीज घरी तयार..