परातीत मैदा व बेसन घ्यावे. त्यात मीठ व गरम तेल घालून हाताने जरा चोळुन घ्यावे. व पाणी घालून घट्ट मळुन घ्यावे.

पातेल्यात १ टिस्पुन तेल घालावे.त्यामध्ये जीरे व तीळ घालून परतुन घ्यावे. बारीक चिरलेला पालक त्यामध्ये घालावा चांगला परतून घ्यावा व बारीक किसलेले आले व मीठ घालून परतून घ्यावे. नंतर त्यामध्ये हळद,तिखट,गरम मसाला, धने जिरे पावडर, खसखस व आमचूर पावडर घालून सगळे व्यवस्थित मिक्स करावे.

पाणी सुके पर्यंत शिजून घ्यावे व सुकी भाजी तयार करावी.

मळलेल्या पिठाचे गोळे करून घ्यावे व पोळी लाटावी. त्यावर चिंचेची चटणी लावावी नंतर वरून तयार भाजी पसरून घ्यावी वरून शेव घालावा.

व हळूहळू दाब देऊन त्याची गुंडाळी करावी नंतर हलक्या हाताने गोल फिरवून घ्यावे. अर्ध्या इंचाचे तुकडे करावेत.

तयार बाकरवड्या हातात तात घेऊन जरा दाब द्यावा. ओव्हनच्या प्लेटला तेल लावून घ्यावे नंतर त्यावर बाकरवड्या ठेवा. ओव्हन मध्ये 180 डिग्री -25 मिनिटासाठी बेक कराव्या.