बेडमी पूरी करायला लागणारे साहित्य घ्यावे. उडदाची डाळ 4 तास भिजत घालावी. पाणी काढून मिक्सरमधून वाटून घ्यावी. आल्याचा व मिरचीचा ठेचा करून घ्यावा. जीरे, धणे व बडीशोप यांची भरड करून घ्यावी. कोथिंबीर बारीक चिरून घ्यावी.

परातीत गह्वाचे पीठ घ्यावे. त्यात रवा व मीरचीचा ठेचा घालावा.

आल्याचा ठेचा, धण्याची भरड व बडीशोपची भरड घालावी.

त्यात जी-याची भरड, तिखट व गरम मसाला घालावा.

त्यात मीठ, कसूरी मेथी व वाटलेली उडदाची डाळ घालावी.

तेल व कोथिंबीर घालून मीक्स करून घ्यावे. लागेल तसे पाणी घालून घट्टसर मळून घ्यावे. 20 मिनीटे झाकून ठेवावे.

20 मिनीटानंतर पीठ तेलाचा हात लावून छान मळून घ्यावे. त्याचे हवे त्या आकाराचे गोळे करून घ्यावे. गोल पूरी लाटून घ्यावी.

गॅसवर एका कढईत तेल गरम करायला ठेवावे. तेल गरम झाले कि त्यात पूरी सोडावी. दोन्ही बाजूंनी खरपूस तळून घ्याव्यात. टिश्यू पेपरवर काढून ठेवाव्यात.

ह्या पू-या बटाट्याच्या भाजी सोबत सर्ह्र करावे.

बटाटे स्वच्छ धुवून कुकरमधे उकडून घ्यावेत. आल्याचा व मिरचीचा ठेचा करून घ्यावा. धण्याची व बडीशोपची भरड करून घ्यावी. कोथिंबीर बारीक चिरून घ्यावी. इतर सर्व साहित्य वाटी मध्ये काढून घ्यावे.

गॅसवर एका पॅनमध्ये तूप गरम करायला ठेवावे. तूप गरम झाले कि त्यात जीरे घालावे. जीरे तडतडल्यावर त्यात आलं घालावे.

मीरचीचा ठेचा, बडीशोपची व धण्याची भरड घालावी मिक्स करून घ्यावे.

लाल सुक्या मिरच्या, हिंग व हळद घालून घ्यावी.

तिखट व बेसन घालून परतून घ्यावे.

त्यात बटाट्याच्या फोडी व पाणी घालून घ्यावे. त्यात काळे मीठ व मीठ घालून घ्यावे.

उकळी आल्यावर त्यात गूळ घालून झाकण ठेवून मंद आचेवर 10 मिनीटे शिजू द्यावे.

10 मिनीटानंतर झाकण काढून त्यात आमचूर पावडर व कसूरी मेथी घालावी व 2 मिनीटे शिजू द्यावे. गॅस बंद करावा. तयार भाजी बेडमी पूरी बरोबर खायला द्यावी.