प्रथम तांदूळ,चना डाळ, उडीद डाळ चांगली स्वच्छ धुवून घ्या व पाच तास भिजत ठेवा

भिजवलेले तांदूळ, डाळ,
हिरव्या मिरच्या,आले,मिक्सरमध्येे बारीक वाटून घ्या.. पाणी जास्त घालू नये.... माझ्या मिरच्या कमी तिखट आहेत म्हणून चार..तुमची तिखट मिरची असेल तर दोन च घालाव्यात

वाटलेले मिश्रण एका वाटी मध्ये काढून घ्यावे व दोन तीन तास तसेच झाकून ठेवावे म्हणजे धुस्के चांगले फुगतात... दोन तासाने मिश्रण छान फुलते..

धुस्का बनवण्या आधी बटाटा रस्सा भाजी करून घेऊया...बटाटे साल काढून स्वच्छ धुवून वाटी मध्ये पाणी टाकून त्यात मोठ्या आकाराचे कापून ठेवावे.. कांदे टाॅमेटो बारीक कापून घ्यावे..

कढईत तेल घालून गरम झाले की त्यात मोहरी जीरे हिंग घालून कापलेला कांदा घालावा.. एक मिनीटभर परतवुन घ्यावे व टाॅमेटो घालून चांगले मिक्स करून घ्यावे.. सगळे मसाले घालून चांगले तेल सुटेपर्यंत परतावे.

मसाल्याला तेल सुटले की त्यात बटाट्याच्या फोडी घालून परतून घ्यावे व त्यात मीठ व पाणी घालून शिजवून घ्यावे..

धुस्का बनवण्यासाठी पॅनमध्ये तेल घालून गरम करण्यासाठी ठेवावे व पीठामध्ये हळद, हिंग,लाल तिखट मीठ, धनेपूड,जिरेपूड घालून चांगले मिक्स करावे आणि चमच्याने सहज पडेल अशी कन्सस्टंटी पाणी घालून करून घ्यावी... पीठ घट्ट ही नको आणि खुप पातळही नको..

तेल चांगले तापले की गॅस मिडीयम करून थोडेसे बॅटर घालून बघावे..ते जर फुलुन वर आले तर चमच्याने बॅटर कढईत सोडावे... सोडताना वेळ घालवू नये.. आणि हात हलवू नये..बॅटर एकाच ठिकाणी सोडावे ते आपोआप पसरते व पुरी सारखा आकार येतो..

पुरी तळतो त्या पद्धतीने सगळे धुस्के तळून घ्यावेत..

पण नंतर मात्र सगळे धुस्के छान गोलमटोर झाले आणि मस्त फुगले होते..

तय्यार धुस्के बटाट्याच्या रस्स्या सोबत सर्व्ह करावे..