सर्व डाळी निवडून स्वच्छ पाण्याने धुऊन घ्याव्यात. आणि नंतर, 4-5 तास भिजत घालाव्यात. त्यानंतर त्या पाण्यातून काढून निथळून घ्याव्यात.

मिक्सर चे भांडे घेऊन त्यात डाळी टाकून, त्यात जीरे, आले, लसूण, मिरची, कोथिंबीर, कढीपत्ता घालून, डाळ वाटून घ्यावी. अगदी पेस्ट करू नये. थोडी रवाळ असावी. आवश्यकता असेल तरच पाणी टाकावे अन्यथा पाणी टाकू नये.

तोपर्यंत, पालक निवडून दोन तीन पाण्याने स्वच्छ धुऊन घ्यावा. आणि बारीक चिरून घ्यावा. आता वाटलेल्या डाळीत, चिरलेला पालक, तिखट, हळद, धणे पूड, मीठ टाकून चांगले मिक्स करून घ्यावे.

तोपर्यंत एका बाजूला गॅसवर एक कढई ठेवून त्यात तेल टाकून गरम करण्यास ठेवावे.डाळीच्या मिश्रणाच एक गोळा घेऊन, तो हाताला पाणी लावून, हातावर थापून घ्यावा.त्याला मध्ये छिद्र पाडावे. म्हणजे मधूनही वडा तळल्या जातो. आता असे वडे तयार करून, ते गरम तेलात टाकून,मध्यम आचेवर तळावे.

छान सोनेरी रंगावर तळून घ्यावेत. मध्यम आचेवर तलल्यामुळे, वड्यांमधील पालक सुध्दा न जळता हिरवा राहतो. अशाप्रकारे गरमागरम वडे, कोणत्याही चटणी सोबत, सॉस किंवा दही,सोबत सर्व्ह करावे.