प्रथम मटकी चांगली धुवा आणि त्या त पाणी घालून 7-8 तास ठेवा..नंतर चाळणीत उपसून ठेवा आणि मोड आणण्यासाठी त्या चाळणीवर झाकण ठेवा 10-12तासांनी सरसरुन मोड आलेले दिसतील.. जाड पोहे भिजवून ठेवा..एकीकडे बटाटे उकडून त्याचे तुकडे करून घ्या..कढईत तेल घाला..तेल तापले की त्यात मोहरी जीरे हिंग हळद घालून खमंग फोडणी करून घ्यावी कडिपत्ता, मिरचीचे तुकडे,आलं लसूण मिरची पेस्ट, कोथिंबीर घालून व्यवस्थित परतून घ्या.. नंतर उकडलेले बटाटे घालून चवीनुसार मीठ साखर घालून भाजी एकजीव करा..तयार झाली मिसळीची भाजी..

आता त्याच कढईमध्ये तेल तापवावे..तेल गरम झाले की त्यात मोहरी जीरे हिंग हळद घालून खमंग फोडणी करावी..नंतर त्यात कडिपत्ता कोथिंबीर, मिरच्यांचे तुकडे बारीक चिरलेला आलं,कांदा घालून परतून घ्या..कांदा गुलाबीसर झाल्यावर त्यात पोहे,मीठ,साखर घालून पोहे परतून घ्या..दोन तीन वाफा काढा.. वरून कोथिंबीर घाला..तयार झाले आपले कांदे पोहे..

आता मिसळीसाठीी कांदा टोमॅटो चिरून घ्यावा..एका कढईत तेल तापवून त्यात कांदा परतून घ्या..त्यात 1टीस्पून आलं लसूण पेस्ट घालून परतावे, खोबरे घालून व्यवस्थित परतून घ्या,नंतर टोमॅटो घालून व्यवस्थित परतून घ्या..त्यात काश्मिरी लालतिखट, 2टीस्पूनलाल तिखट घालून मिश्रण एकजीव करावे.गॅस बंद करा.थंड झाल्यावर मिक्सरमधून बारीक वाटून घ्यावे.

आता कुकर मध्ये तेल गरम करून घ्या..नंतर त्यात मोहरी जीरे हिंग हळद घालून खमंग फोडणी करून घ्या.. कडिपत्ता कोथिंबीर घाला..कांदा घालून गुलाबी रंगावर परतून घ्या..उरलेलीआलं लसूण पेस्ट घालावी आणि परतून घ्या..आता त्यात वाटलेले वाटण घालून तेलावर छान परतून घ्या..2-3वाफा काढा..मोड आलेली मटकी घालून व्यवस्थित मिक्स करावे.., गरम पाणी घालावे..कारण आपण उसळीचा कट म्हणून पण हाच रस देणार आहोत..तिखट,मीठ,गुळ,गोडा मसाला घालून व्यवस्थित ढवळा..झाकण लावून 2ते 3शिट्ट्या करुन घ्या..झाली आपली चमचमीत उसळ तयार..

पुणेरी मिसळ सर्व्ह करताना एका डिश मध्ये आधी बटाटा भाजी घाला..त्यावर कांदे पोहे घाला.‌आता उसळीचा थर द्या..यावर फरसाण कांदा कोथिंबीर घाला..वरुन उसळीचा कट गोल फिरवून घाला..सोबत लिंबाची फोड, पावासोबत सर्व्ह करा पुणेरी चमचमीत, लज्जतदार मिसळ..