प्रथम डाळ आणि तांदूळ स्वच्छ धून 10 मिनिटे भिजत ठेवणे. कांदा, टोमॅटो, बटाटा चिरून घेणे. लसूण ठेचून घेणे.

आता गॅस वर कुकर ठेवून त्यात तेल घालावे. तेल गरम झाले कि त्यात मोहरी, जीरे, हिंग, कढीपत्ता याची फोडणी करणे. त्यात कांदा, लसूण घालून छान परतून घेणे. आता त्या मध्ये हळद, टोमॅटो, बटाटा घालून 2 मिनिट परतून घेणे.

आता या मध्ये सगळे मसाले आवडीनुसार घालून 1 मिनिटे छान परतणे. आता त्यात भिजत ठेवलेले डाळ तांदूळ घेणे.2-3 मिनिटे छान परतून घेणे. आता या मध्ये गरजे प्रमाणे गरम पाणी घालावे. वरून चवीनुसार मीठ घालावे. उकळी आली कि कुकर चे झाकण लावून 2 शिट्टी करून घेणे.

कुकर थंड झाला कि झाकण काढावे. खिचडी वर खाली करून घेणे. वरून कोथिंबीर घालून मस्त गरम गरम वरून तूप किंवा कच्चे तेल घालून खिचडी सर्व्ह करावी. सोबत नाचणीचा पापड आणि लोणचे सर्व्ह करू शकता.

मस्त झणझणीत खान्देशी खिचडी तयार आहे. झटपट ही खिचडी तयार होते.