एका पातेल्यात दूध व थोडीशी साखर घालून आटत ठेवावे. गॅस मंद आचेवर ठेवून चमच्याने हलवत राहावे म्हणजे खाली लागणार नाही. 1.1/2 कपाचा 1/2 कपाला थोडे जास्त आटवून घेणे.

गॅसवर कढई गरम करत ठेवावी. तापल्यावर गॅस मंद आचेवर ठेवून तूप घालावे. तुपात चारोळ्या परतवून घेणे. त्यातच भोपळ्याचा किस घालून 5 मिनिटे परतवून घेणे. झाकण ठेवून शिजू द्यावे. नंतर साखर घालून विरघळेपर्यंत परतवून घेणे.

भोपळा शिजला की गॅस बंद करावा. आटवलेल्या दूधात मसाला व भोपळ्याचा किस घालून मिक्स करून घेणे.

ते पातेले गॅसवर ठेवून 2-3 उकळी आली की गॅस बंद करावा. भोपळ्याचा छान रंग दुधात उतरतो.ही खीर गरम किंवा फ्रीजमध्ये ठेवून थंड करून खावी.