प्रथम एका बाउल मध्ये साबुदाणे व वरी तांदूळ स्वच्छ पाण्याने तीन ते चार वेळा धुवून घेतले. व त्यात पाणी घालून भिजत ठेवले.

नंतर सहा तासानंतर साबुदाणे एका मिक्सरच्या भांड्यात बारीक वाटून घेतले, आणि एका भांड्यात काढून घेतले. मग त्याच मिक्सरच्या भांड्यात वरी तांदुळाची सुद्धा बारीक पेस्ट करून घेतली, त्यातच पाव वाटी भाजलेले शेंगदाणे, दोन कच्चे बटाटे स्वच्छ पाण्याने धुऊन बारीक तुकडे करून वरी तांदळाच्या मिश्रणात मिक्स करून त्यात लागेल तसे पाणी घालून, त्यात साबुदाण्याचे मिश्रण घालून अर्धा तास झाकून ठेवले.

मग डोसा खाण्यास चटणी साठी ओले खोबरे, आल्याचा तुकडा, एक चमचा जीरे, शेंगदाण्याचे कुट, 4 ते 5 हिरव्या मिरच्या, मूठभर कोथिंबीर, चवीनुसार मीठ घालून चटणी वाटून घेतली.

नंतर डोसा बनविण्यासाठी गॅसवर तवा ठेवून तो चांगला गरम झाल्यावर त्याला तेल लावून मंद गॅसवर डोसा घालून, दोन्ही बाजूने छान भाजून घेतला. असे सर्व डोसे बनवून घेतले.

आणि सर्वात शेवटी सर्व्ह करावे, गरमा गरम उपवासाचे डोसे व हिरवीगार चटणी. हे डोसे खूप सुंदर लागतात.