सर्वप्रथम भेंडी धुवून पुसून घ्यावीत. नंतर ती मधोमध कापून तिला चिरा पाडून घ्याव्यात.

कढईमध्ये तेल गरम करून कापलेली भेंडी तेलामध्ये मऊसूत होईपर्यंत परतून घ्यावीत.

नंतर तेलामध्ये खोबर्‍याचे तुकडे उभा चिरलेला कांदा व शेंगदाणे, लसूण तळून घ्यावे. मिक्सरच्या भांड्यामध्ये काढून घ्यावे व त्यामध्ये तीळ आणि आलं ऍड करून मिक्सरला वाटून त्याची पेस्ट तयार करून घ्यावी.

कढईमध्ये तेल गरम करून जीरे, मोहरी हिंग,कढीपत्त्याची फोडणी द्यावी. कांदा व टोमॅटो सुद्धा मऊसूत परतून घ्यावे. सर्व मसाले व तयार पेस्ट घालावी. बेसन ऍड करावे.मीठ घालावे.सर्व मसाले एकजीव करून चांगले परतून घ्यावे व थोडंसं पाणी घालून ग्रेव्ही तयार करून घ्यावी.

तळलेली भेंडी ग्रेव्ही मध्ये ॲड करावी. झाकण लावून मंद आचेवर एक तीन ते चार मिनिटं भेंडीला वाफ काढून घ्यावी.

वरतून कोथिंबीर घालावी. तयार गरमा गरम मसाला भेंडी चपाती भाकरी किंवा वरण भातासोबत सर्व्ह करावी.