चकलीची भाजणी:-
1.तांदूळ शक्यतो जाड,साधा व नवा घ्यावा.नव्या तांदळाला चिकटपणा कमी असतो.धुवून ठेवावा.
2.हरभरा डाळ,उडीदडाळ,मूगडाळ अगदी स्वच्छ म्हणजे पांढरटपणा निघून स्वच्छ पाणी राहिल अशा धुवाव्यात.
3.ही सगळी धुतलेली धान्ये,पाणी निथळून व्यवस्थित सावलीतच 7-8तास वाळवावीत.
4.भाजणी भाजताना सर्व धान्यांचा ओलसर,दमटपणा जाईपर्यंत खमंग भाजावे.भाजल्यावर धान्ये हाताला हलकी लागतात.तांदूळ मात्र हलकेसेच भाजावेत.
5.जाड पोहे व साबुदाणा भाजावा.शेवटी धणे,जीरे भाजावेत.
6भाजणी थंड झाल्यावर बारीक दळून आणावी.

चकली करताना:-
चकली भाजणी वरील प्रमाणानुसार मोजून घ्यावी.पाणी मोजून आधणास ठेवावे.पाण्याला उकळी आली की त्यात तिखट,मीठ,हळद, हिंग,तीळ,ओवा व लोणी घालून पाच मिनिटे उकळावे.

या पाण्यात मोजून घेतलेली भाजणी घालून पीठ कोरडे रहाणार नाही असे सगळीकडून झाऱ्याने हलवावे.झाकण घालून 1-2तास तरी मुरत ठेवावे.

पीठ थंड झाले की सर्व पीठ परातीत मळून घ्यावे.आता याला पाणी लागणार नाही.किंचीत सैलसर होते परंतु चकल्या सहज घालता येतात.पीठ मुरण्यास बराच वेळ ठेवल्याने यात सगळ्या चवी येतात.

पीठाचे सोऱ्यामध्ये मावतील अशा आकाराचे गोळे करावेत.व चकली प्लॅस्टिक अथवा छोट्या चौकोनी पेपरवर घालावी.

रिफाइंड तेल कढईत तापत ठेवावे.कडकडीत तापवावे.गँस मिडीयम लो ठेवावा.सगळ्या चकल्या मिडीयम लो फ्लेमवरच तळून घ्याव्यात.तेल एकदम खूप घालू नये.लागेल तसे वाढवत जावे म्हणजे तेलाचे टेंपरेचर सारखेच रहाते.

तेलातील बुडबुडे कमी होईपर्यंत चकली तळावी.म्हणजे सगळ्या बाजूंनी चकली तळली जाते.तळलेल्या चकल्या गार होऊ द्याव्यात.

कुरकुरीत, हलकी आणि खुसखुशीत अशी चकली तयार आहे!
थंड झाल्यावर घट्ट झाकणाच्या डब्यात चकल्या भरुन ठेवाव्यात.🤗👍😋