सर्वप्रथम बटाटे सोलून घ्या.

बटाट्याचे दोन्ही बाजूचे वरचे टोक कापून घ्या. बटाट्याला मधोमध कापून तीन समान भाग करून घ्या. चित्रात दाखवल्याप्रमाणे बटाट्याच्या कापांची जाडी ठेवा.

प्रत्येक भागाचे उभे लांब लांब असे काप करून घ्या. सगळे बटाट्याचे काप पाण्यामध्ये चार ते पाच मिनिटांसाठी भिजत ठेवा. बटाट्यातील जो काही स्टार्च असेल तो निघून जाईल.

चार ते पाच मिनिटांनी बटाटे पुन्हा एकदा स्वच्छ पाण्यात धुऊन घ्या.

गॅस वर टोपा मध्ये पाणी गरम करून त्यामध्ये मीठ ॲड करा. व बटाट्याचे स्वच्छ केलेले काप पाण्यामध्ये मध्यम आचेवर तीन ते चार मिनिटे उकळून घ्या.

बटाट्याचे काप उकडून झाले की ते पाण्यातून काढून एका बोल मध्ये घ्या. त्यामध्ये दोन ते तीन टेबलस्पून कॉर्नफ्लॉवर मिक्स करा. बोल ला हलवत कॉर्नफ्लॉवर सगळ्या बटाट्याच्या कापांना नीट लावून घ्या. कढईमध्ये तेल गरम करून बटाट्याचे काप तळून घ्या.

बटाट्याचे काप तळून झाले की पुन्हा एकदा सगळे बटाट्याचे काप तेलामध्ये परत फ्राय करून घ्या.गरमा गरम फ्रेंच फ्राईज टोमॅटो सॉस बरोबर सर्व्ह करा.