सुरुवातीला खवा घ्यावा खवा किसून घ्यावा. त्याचप्रमाणे मैदाही चाळून घ्यावा.

आता एका भांड्यात दूध घेऊन त्यात मैदा टाकावा. चांगले मिक्स करून घ्यावे. गुठळ्या राहू नये याची काळजी घ्यावी. त्यानंतर त्यात किसलेला खवा टाकावा आणि मिक्स करून घ्यावा. मिश्रण जास्त घट्ट वाटल्यास एखाद दोन चमचे दूध आणखी टाकावे पण थोडे घट्टच असावे मिश्रण.

दहा पंधरा मिनिटांनी गॅसवर तेल गरम करायला ठेवावे. कढईपेक्षा पसरट पॅन घ्यावे तळण्यासाठी. त्यानंतर मालपुवा चे मिश्रण पुन्हा एकदा चांगले फेटून घ्यावे. आणि चमच्याच्या साह्याने गरम तेलामध्ये मालपुआ टाकावा. मालपुवा छान फुगून वर येतात. छान सोनेरी रंगावर हे तळून घ्यावे. यावेळी गॅस कमी ते मध्यम आचेवर असावा.

आता हे तळलेले गरम गरम मालपुए, गरम साखरेच्या पाकातच टाकावे. पाच मिनिटे पाकामध्ये ठेवून नंतर त्यांना बाहेर काढावे. अशा प्रकारे सर्व मालपुए तळून घेऊन पाकात टाकून, बाहेर काढून घ्यावे. सर्व्ह करताना वरून पिस्त्याचे काप टाकून, छान पाकाने भरलेले, रसदार मालपुए सर्व्ह करावे.