रगडा- प्रथम सफेद वाटाणे स्वच्छ धुऊन सहा ते सात तास भिजवावे भिजवलेले वटाणे कुकरमध्ये घालून त्यात अर्धा चमचा हळद व चवीप्रमाणे मीठ एक ग्लास पाणी घालून आठ ते दहा शिटी घ्यावी. कुकर थंड झाल्यावर त्यातील वटाणे काढून थोडे स्मॅशरने स्मॅश करावे रगडा तयार.

हिरवी चटणी- प्रथम कोथिंबीर व पुदिना स्वच्छ धुवून त्याची पाने काढून घ्यावी व ती मिक्सरमध्ये घालावी त्यात मिरची लसूण आलं घालून बारीक पेस्ट करावी नंतर त्यात दोन ते अडीच ग्लास पाणी घालावे व जीरे पावडर, चाट मसाला,काळे मीठ घालून चांगले एकजीव करावे हिरवी चटणी तयार.

गोड चटणी- प्रथम कुकरमध्ये गुळ व चिंच समप्रमाणात घेऊन त्यात थोडे पाणी घालावे व दोन शिट्ट्या आल्यानंतर कुकर बंद करावा कुकर थंड झाल्यावर त्यातील मिश्रण सर्व एकजीव करून गाळून घ्यावे गाळलेल्या चटणी लाल तिखट, जीरे पावडर,काळे मीठ, चाट मसाला घालून चांगले एकजीव करावे.

गोड चटणी तयार सर्व तयारी करून पाणीपुरीच्या पुऱ्या एकासाठी व्यवस्थित फोडून त्यात रगडा गोड चटणी घालावी व हिरवी चटणी भरून खाण्यास तयार.