முதலில்வெங்காயத்தை உரித்து பொடியாக நறுக்கி வைக்கவும். மஞ்சள் சீரகம் உப்பு இவற்றை அம்மியில் வைத்து நன்றாக அரைத்து வைக்கவும். ஒரு பாத்திரத்தில்ஆட்டுக்கறியை போட்டுஅரிசி கழுவிய தண்ணீரை ஊற்றி அரைத்து வைத்த மஞ்சள் சீரகம் உப்பு இவற்றை அதனுடன் சேர்த்து நன்றாக வேகவிடவும்.

ஆட்டுக் கறி நன்கு வெந்ததும் அதை எடுத்து வைத்துக் கொள்ளவும். ஒரு கடாயில் நல்லெண்ணெய் ஊற்றி காய்ந்ததும் காய்ந்த மிளகாயை இரண்டாக உடைத்து அதில் போடவும். அது சிவந்து வரும் பொழுது வெங்காயத்தையும் கருவேப்பிலையும் போடவும். பிறகு பொன்னிறமாக வரும் வரை வதக்கவும். அது நன்கு வதங்கி வரும் பொழுது வேகவைத்த ஆட்டுக்கறியை தண்ணீரோடு சேர்த்து அதில் ஊற்றி கிளறிவிடவும். பிறகு மூடி வைத்து தீயை குறைத்து வேக விடவும். வெங்காயம் நன்கு வெந்து காய்ந்தமிளகாய் உள்ள காரம் ஆட்டுக்கறியுடன் கலக்கும் வரை வேகவிடவும்.