முதலில் சர்க்கரைப் பொங்கலுக்கு தேவையான அரிசியை கழுவி இரண்டாவது அரிசி கழுவிய நீரில் சிறிது பாலும் சேர்த்து பொங்கி வரும்பொழுது ஊறவைத்து அரிசியை போடவும். அரிசி நன்கு குழைய வெந்ததும் நாட்டு சர்க்கரை சிறிது நீரில் கொதிக்க வைத்து வடிகட்டி பொங்கலுடன் சேர்த்து கிளறவும். சிறிதளவு உப்பு பச்சை கற்பூரம் ஜாதிக்காய் வறுத்த பொடி ஆகியவற்றை சேர்த்து நெய்யில் பொரித்த முந்திரி சேர்த்து பரிமாறவும்.

கற்கண்டு பொங்கலுக்கு தேவையானஅரிசியைக் கழுவி அத்துடன் ஓரு டம்ளர் பால் மற்றும் ஒரு டம்ளர் நீர் சேர்த்து குழைய வேக வைக்கவும். பிறகு கற்கண்டை சேர்த்து கேசரி கலர் சேர்த்து கிளறவும் பிறகுபச்சைக் கற்பூரம் ஜாதிக்காய் பொடி சேர்த்து பொங்கல் பதம் வரும் வரை கிளறவும் முந்திரியை நெய்யில் தாளித்து கற்கண்டு சாதத்துடன் சேர்த்து கிளறி பரிமாறவும்

அரிசியை கழுவி ஒன்றுக்கு மூன்று என்ற அளவில் தண்ணீர் வைத்து குழைய வேக வைத்து எடுக்கவும். அத்துடன் உப்பு சேர்த்து கிளறவும். பிறகு நெய் விட்டு முந்திரி மிளகு சீரகம் கருவேப்பிலை தாளித்து பொங்கலுடன் சேர்த்து கிளறவேண்டும் தயார்.

முதலில் அடிகனமான பெரிய பாத்திரத்தில் பாசிப்பருப்பை கழுவி காய்கறிகளுக்கு தகுந்தவாறு அரிசி கழுவிய நீரை ஊற்றி பாசிப்பயிறு மஞ்சள் பொடி சேர்த்து வேக வைக்கவும்.அரைப் பதம் வெந்ததும் மொச்சை பயிறு போன்ற கடினமாக வேக கூடிய காய்களை முதலில் சேர்க்கவும் பிறகு சீக்கிரம் வேக கூடிய காய்க கடைசியாக சேர்த்து வேக வைக்கவும் காய்கள் அனைத்தும் நன்கு வெந்ததும் குழம்பு மிளகாய் தூள் உப்பு சேர்த்து 10 நிமிடம் கொதிக்க விடவும்.பிறகு கிரேவி பதம் வரும் பொழுது நெய் ஊற்றி மிளகு சீரகத்தூள் கறிவேப்பிலை சேர்த்து தாளித்து இறக்கவும்.