பால் கொழுக்கட்டை

ஒரு பவுலில் அரிசி மாவுடன் உப்பு சேர்த்து எடுத்து கொள்ளவும். அடுப்பில் ஒரு பாத்திரத்தில் 2 கப் தண்ணீர் ஊற்றி நன்கு கொதிக்க விடவும். பிறகு தண்ணீரை மாவில் ஊற்றி ஒரு கரண்டியால் கிளறவும். சூடு தணிந்ததும் கையால் சப்பாத்தி மாவு பதத்திற்கு பிசைந்து வைத்து கொள்ளவும்.

பின்னர் கையில் எண்ணெய் தடவி கொண்டு இந்த மாவை சிறு சிறு உருண்டைகளாக உருட்டி தட்டில் வைத்து கொள்ளவும்.ஒரு பாத்திரத்தில் தண்ணீர் ஊற்றி அடுப்பில் வைத்து நன்கு கொதிக்க விடவும். கொதிக்கும் தண்ணீரில் இந்த உருண்டைகளை போடவும். 5 நிமிடம் கழித்து பக்குவமாக கிளறி விடவும்.

பின்னர் இன்னொரு பாத்திரத்தில் வெல்லம் பொடியாக்கி எடுத்து ஏலக்காய் தட்டி சேர்த்து தண்ணீர் ஊற்றி அடுப்பில் வைத்து கரைத்து வடிகட்டி எடுத்து கொள்ளவும்.அரிசி உருண்டைகள் வெந்ததும் வெல்ல கரைசலை ஊற்றி கிளறி விடவும்.

பிறகு சிறிது நேரம் கழித்து 2 ஸ்பூன் அரிசி மாவை தண்ணீரில் கரைத்து இதில் ஊற்றி கலந்து விடவும்.பிறகு இந்த வெல்ல கரைசல் சற்று கட்டி தன்மை வந்ததும் 1/2 டம்ளர் காய்ச்சி ஆற வைத்த பாலை இதில் ஊற்றவும்.

கடைசியாக இதில் தேங்காய் துருவல் சேர்த்து கிளறி கொடுக்கவும். சூடாக பரிமாறவும். சுவையான ஆரோக்கியமான பால் கொழுக்கட்டை தயார். நன்றி