முதலில் முட்டைகோஸ், காளான் இவை இரண்டும் சிறிது சிறிதாக கட் செய்து தண்ணீரில் நன்கு கழுவி சுத்தம் செய்து வைக்கவும்.

ஒரு பாத்திரத்தில் இவற்றை சேர்த்து மைதா மாவு, சோளமாவு, உப்பு, மிளகாய் தூள் 1 ஸ்பூன்,காஷ்மீர் மிளகாய்த்தூள் 1 ஸ்பூன், இஞ்சி பூண்டு விழுது சேர்த்து தண்ணீர் தெளித்து நன்கு பிசைந்து போண்டா மாவு பதத்திற்கு பிசைந்து வைத்து கொள்ளவும்.

வானலில் எண்ணெய் ஊற்றி காய்ந்ததும் சிறிது சிறிதாக எடுத்து எண்ணெய்யில் போட்டு பொன்னிறமாக பொரித்து எடுத்து கொள்ளவும்.பிறகு பொரித்த உருண்டைகள் பெரிதாக இருந்தால் அவற்றை சிறிய துண்டுகளாக பிரித்து வைத்து கொள்ளவும்.

பிறகு ஒரு வானலில் எண்ணெய் ஊற்றி காய்ந்ததும் வெங்காயம், பச்சை மிளகாய், கறிவேப்பிலை சேர்த்து நன்கு வதக்கவும்.பின்னர் மிளகாய் தூள் 1 ஸ்பூன், உப்பு, இஞ்சி பூண்டு விழுது 1 1/2 ஸ்பூன் சேர்த்து நன்கு வதக்கவும். பிறகு சில்லி சாஸ், டோமேட்டோ கெட்ச்அப், சோயா சாஸ் சேர்த்து கலந்து 1/2 டம்ளர் தண்ணீர் ஊற்றி கொதிக்க விடவும். ஒரு கொதி வந்ததும் பொரித்து எடுத்த துண்டுகளை இதில் சேர்த்து கிளறி விடவும்.

பிறகு சோளமாவு 2 ஸ்பூனை தண்ணீரில் கரைத்து இதில் ஊற்றி கலந்து விடவும். நன்கு வெந்து வந்ததும் கடைசியாக கொத்தமல்லி சிறிதளவு சேர்த்து இறக்கவும். சூடாக பரிமாறும் போது சிறிதளவு கட் செய்த வெங்காயம் தூவி பரிமாறவும். நன்றி