சுரைக்காய் கோஃப்தா

துருவி வைத்த சுரைக்காயில் இருந்து தண்ணீரை நன்றாக பிழிந்து எடுத்துக் கொள்ளவும். பிழிந்து வைத்த சுரைக்காய் உடன் தேவையான அளவு உப்பு, மஞ்சள்தூள், மிளகாய்த்தூள், தனியாத்தூள், கரம் மசாலாத்தூள், கசூரி மேத்தி ஆகியவை தலா ஒரு டீஸ்பூன் மற்றும் கால் கப் கடலை மாவையும் சேர்த்து பிசைந்து கொள்ளவும். பின்னர் அவற்றை சிறு உருண்டைகளாக எடுத்து எண்ணெயில் பொன்னிறமாகும் வரை பொரித்து எடுக்கவும்.

ஒரு கடாயில் வெண்ணெய் சேர்த்து பிரிஞ்சி இலை, இஞ்சி பூண்டு விழுது,பொடியாக நறுக்கிய வெங்காயம் ஆகியவற்றை சேர்த்து வெங்காயம் பொன்னிறமாக மாறும்வரை நன்றாக வதக்கவும்

வதங்கிய வெங்காயத்துடன் மஞ்சள்தூள் மிளகாய்த்தூள் தனியாத்தூள் ஆகியவற்றை சேர்த்து 2 நிமிடத்திற்கு வதக்கவும். அத்துடன் தக்காளி விழுதை சேர்த்து ஐந்து முதல் ஏழு நிமிடங்களுக்கு தக்காளியின் பச்சை வாசனை போகும் வரை வதக்கவும்

சுரக்காயிலிருந்து பிழிந்து வைத்த தண்ணீரை சேர்த்து இரண்டு நிமிடங்களுக்கு கொதிக்க விடவும் பின்னர் பொரித்து வைத்த கோஃப்தா களையும் சேர்த்து மூடி போட்டு 10 நிமிடங்களுக்கு கொதிக்க விட்டு கசூரி மேத்தி சேர்த்து இறக்கவும்.