கொண்டைக்கடலையை 8 மணி நேரம் ஊறவைத்து குக்கரில் 5 விசில் வேக வைத்து வைக்கவும்.

வேக வைத்த கொண்டைக் கடலையில் ஒரு பிடி எடுத்து மிக்ஸியில் விழுதாக அரைத்துக் கொள்ளவும்.

கடாயில் வெண்ணை சூடேறியதும் ஷாஜீரா பட்டை லவங்கம் பிரிஞ்சி இலை தாளித்து பொடியாக நறுக்கிய வெங்காயம் சேர்த்து பொன்னிறமாக வதக்கி, பின்பு அதில் இஞ்சி பூண்டு விழுது சேர்த்து பச்சை வாசனை போகும் வரை வதக்கவும்.

அரைத்த தக்காளி விழுதை சேர்த்து நன்கு வதக்கவும். அதனுடன் சென்னா மசாலா பவுடர்,மிளகாய்த்தூள், கரம்மசாலா, தனியாத்தூள், தேவைக்கேற்ப உப்பு, மஞ்சள்தூள் சேர்த்து நன்கு வதக்கவும்.

2கப் தண்ணீர் சேர்த்து மசாலாவை கொதிக்க விட்டு பச்சை வாசனை போனவுடன் வேக வைத்த கொண்டக்கடலையை அதில் சேர்த்து 5 நிமிடம் கொதிக்க விடவும்.

அரைத்து வைத்த கொண்டைக்கடலை விழுதை கிரேவியுடன் சேர்த்து நன்கு கலந்து கொதிக்க விடவும். அரைத்து சேர்த்த விழுது கொதித்து கிரேவி கெட்டியானதும் அடுப்பை அணைக்கவும்.ஒரு டீஸ்பூன் கஸ்தூரி மேத்தி மற்றும் ஆம்சூர் பவுடர் சேர்த்து கலந்து விடவும்.