சப்பாத்தி எக் ரோல்

முதலில் கோதுமை மாவு, உப்பு சேர்த்து தேவையான அளவு தண்ணீர் ஊற்றி நன்கு பிசைந்து வைத்து கொள்ளவும். பிறகு அதை சப்பாத்தியாக போட்டு தனியாக எடுத்து வைக்கவும்.காய்கறிகளை நீளமாக கட் செய்து வைத்து கொள்ளவும்.

வானலில் எண்ணெய் ஊற்றி காய்ந்ததும் வெங்காயம், உப்பு சேர்த்து வதக்கவும். பின்னர் கேரட், குடைமிளகாய் சேர்த்து மிளகு தூள், உப்பு சேர்த்து வதக்கி தனியாக ஒரு பவுலில் எடுத்து வைக்கவும்.இதில் மயோனீஸ், டோமேட்டோ கெட்ச்அப் சேர்த்து நன்கு கிளறி வைக்கவும்.

ஒரு பவுலில் முட்டை உடைத்து ஊற்றி உப்பு, மிளகு தூள் சேர்த்து நன்கு அடித்துக் கொள்ளவும். அடுப்பில் ஒரு பேனை வைத்து சுற்றி எண்ணெய் ஊற்றி அடித்த முட்டை கலவையை ஊற்றி சுற்றி எண்ணெய் விடவும். சிறிது வெந்ததும் சப்பாத்தியை இதன் மேல் போட்டு லேசாக அழுத்தம் கொடுத்து இருபக்கமும் திருப்பி போட்டு எடுத்து கொள்ளவும்.

பிறகு இந்த முட்டை சப்பாத்தி மீது நாம் கலந்து வைத்து உள்ள காய்கறி கலவையை வைத்து அதன் மேல் கொத்தமல்லி சிறிதளவு, சாட் மசாலா சேர்த்து அதை ரோல் செய்து வைத்து சூடாக பரிமாறவும். அனைவரும் விரும்பி சாப்பிடுவார்கள். குழந்தைகளுக்கு மிகவும் பிடிக்கும். நன்றி