முதலில் துவரம்பருப்பு கடலைப்பருப்பு ஆகியவற்றை ஒரு மணி நேரம் ஊறவைத்து அதில் சிறிது சோம்பு வர மிளகாய் 4 உப்பு சேர்த்து கொர கொரப்பாக அரைத்துக் கொள்ளவும்.

அரைத்த விழுதில் பொடியாக நறுக்கிய சின்ன வெங்காயம், சிறிது பெருங்காயத்தூள்,கருவேப்பிலை ஆகியவற்றை சேர்த்து நன்கு பிசைந்து சிறு உருண்டைகளாக பிடித்து இட்லி பானையில் ஆவியில் பத்து நிமிடம் வேகவைத்து எடுத்து வைக்கவும்.

ஒரு மண் சட்டியில் அல்லது கடாயில் 4 ஸ்பூன் நல்லெண்ணெய் சேர்த்து அதில் கடுகு,சோம்பு,சீரகம்,பெருங்காயத்தூள், கறிவேப்பிலை ஆகியவற்றைத் தாளித்து பொடியாக நறுக்கிய சின்ன வெங்காயம் பொடியாக நறுக்கிய தக்காளி ஆகியவற்றை சேர்த்து வதக்கவும். வெங்காயம் தக்காளி வதங்கியவுடன் இதில் மஞ்சள் தூள் வரமிளகாய்த்தூள் கொத்தமல்லித்தூள் உப்பு ஆகியவற்றை சேர்த்து வதக்கவும்.ஊறவைத்த புளியைக் கரைத்து வடிகட்டி சேர்க்கவும்.இப்பொழுது நன்கு கலந்து பச்சை வாசனை நீங்கும் வரை குழம்பை கொதிக்க விடவும்.

குழம்பு கொதித்து பச்சை வாசனை நீங்கியவுடன் இதில் நான்கு ஸ்பூன் தேங்காயை நைசாக அரைத்து குழம்பில் சேர்த்து கொதிக்க விடவும்.பிறகு வேக வைத்த பருப்பு உருண்டைகளை மெதுவாக ஒவ்வொன்றாக சேர்க்கவும்.

பருப்பு உருண்டைகளை சேர்த்து குழம்பை 3 முதல் 5 நிமிடம் கொதிக்கவிடவும் இப்பொழுது அருமையான சுவையான பருப்பு உருண்டை குழம்பு தயார்😋😋😋

கொத்துமல்லி இலைகள் சேர்த்து பரிமாறவு.