முதலில் மாவா (பூரணம்)செய்ய பால்,வெண்ணை மற்றும் க்ரீம் சேர்த்து நன்றாக கிளறவும். அதன் பின் பால் பவுடர் சேர்த்து நன்றாக கோவா பதத்திற்கு கிளறி தனியே எடுத்து வைக்கவும்.

மலாய் செய்ய வாணலியில் பால்,க்ரீம், சர்க்கரை, ஏலக்காய்த்தூள் சேர்த்து 2 நிமிடத்திற்கு நன்றாக கொதிக்க விடவும். அதன்பின் பிரட் துண்டுகளின் ஓரத்தை நீக்கிவிடவும். உதிராமல் வர அதனை சப்பாத்தி கட்டையில் மெதுவாக தேய்க்கவும். அதன்மேல் மாவா பூரணத்தை வைத்து சமமாக பரப்பி இரண்டு துண்டாக நறுக்கவும். இரண்டையும் ஒன்றன்பின் ஒன்றாக வைத்து இறுக சுருட்டவும். பரிமாறும் முன் சுருட்டிய பிரட் துண்டுகள் வைத்து அதன்மேல் மலாய் சிரப் சேர்த்து அழகிற்காக பாலில் ஊற வைத்த குங்குமப்பூ மற்றும் செர்ரி பழங்கள் வைத்து பரிமாறவும்.

இதனை ஃப்ரிட்ஜில் வைத்து ஜில்லென்று பரிமாறலாம்.