கஸ்டர்ட் பவுடரை தண்ணீரில் கரைத்து வைக்கவும்.

பிரட் ஸ்லைஸ் ஓரங்களை நீக்கி மிக்சியில் போட்டு பொடி செய்து கொள்ளவும்.

சீனியைக் கேரமல் செய்யவும். அதை ஒரு பவுலில் ஊற்றி அடிப்பகுதி முழுவதும் பரவும் படி செய்யவும்.

ஒரு நான்ஸ்டிக் கடாயில் சீனி, கோகோ பவுடர், பால் சேர்த்துக் கலந்து கொள்ளவும்.

பின்னர் அடுப்பில் வைத்து சாக்லேட் சேர்த்துக் கிளறவும்.

சாக்லேட் கரைந்ததும் கரைத்து வைத்துள்ள கஸ்டர்ட் பவுடரை ஊற்றிக் கிளறவும்.

கலவை கெட்டியானதும் பிரட் பவுடர் சேர்த்துக் கிளறவும்.

வேறொரு அடுப்பில் இட்லி பாத்திரத்தில் நான்கு கப் தண்ணீர் சேர்த்து கொதிக்க விடவும்.

கலவை நன்கு கலந்து வந்ததும் இறக்கி கேரமல் இருக்கும் பவுலில் ஊற்றி அலுமினியம் ஃபாய்ல் கொண்டு மூடவும்.

இட்லி பாத்திரத்தில் தண்ணீர் கொதித்ததும் அதனுள் புட்டிங் கலவையை வைத்து முப்பது நிமிடங்கள் வேகவிடவும்.

வெந்ததும் எடுத்து ஆறவைத்து ஃப்ரிட்ஜில் நான்கு மணி நேரம் குளிர வைக்கவும்.