கோதுமை ஆலூ   பராட்டா

கோதுமை மாவு 1 கப் எடுத்து சலித்து,உப்பு, ஆயில் 1 டீஸ்பூன் சேர்த்து கலக்கி விட்டு தண்ணீர் ஊற்றி பிசைந்து வைக்கவும்.

உருளை கிழங்கு 1 கழுவி குக்கரில் வேக விட்டு தோல் உரித்து வைக்கவும்.பெரிய வெங்காயம் 1 தோல் உரித்து கழுவி பொடியாக நறுக்கவும்.பச்சை மிளகாய் 1 கழுவி விதை நீக்கி பொடியாக நறுக்கவும்.இஞ்சி பூண்டு விழுது 1 டீஸ்பூன் எடுத்து வைக்கவும்.கொத்தமல்லி இலை பொடியாக நறுக்கவும்.வெந்த உருளை கிழங்கு சூடு குறைந்தவுடன் மசித்து வைக்கவும்.

கடாயில் ஆயில் 2 டீஸ்பூன் விட்டு நறுக்கிய வெங்காயம் வதக்கி இஞ்சிபூண்டு விழுது சேர்த்து வதக்கி பச்சை மிளகாய் சேர்த்து 1/4 டீஸ்பூன் மஞ்சள் தூள், 1/2 டீஸ்பூன் கரம்மசாலா தூள்,1/2 டீஸ்பூன் மிளகாய் தூள்,உப்பு, 1/4 டீஸ்பூன் காய்ந்த மாங்காய் பொடி சேர்த்து வதக்கி மசித்த உருளை கிழங்கு நறுக்கிய கொத்தமல்லி இலை சேர்த்து கலக்கி விடவும்.ஆலூ ரெடி.

பிசைந்த கோதுமை மாவில் ஒரு உருண்டை எடுத்து சப்பாத்தி கல்லில் திரட்டி,ரெடி செய்த ஆலூவை நடுவில் வைத்து மூடி கோதுமை பராட்டாவாக செய்து தோசை தவாவில் சுட்டு எடுக்கவும்.