ஸ்வீட் கார்ன் பிரியாணி ரைஸ் /Lunchbox rice

ஸ்வீட் கார்ன் கழுவி வைக்கவும்.இஞ்சி பூண்டு விழுது 1 டீஸ்பூன் எடுத்து வைக்கவும்.பெரிய வெங்காயம் தோல் நீக்கி கழுவி நறுக்கி வைக்கவும்.பச்சை மிளகாய் 1 கழுவி விதை நீக்கி நறுக்கி வைக்கவும்.பட்டை கிராம்பு ஏலக்காய் பிரிஞ்சி இலை தலா 1 எடுத்து வைக்கவும்.பிரியாணி அரிசி கழுவி 1 கப் அரிசிக்கு 2 கப் தண்ணீர் ஊற்றி வைக்கவும்.

குக்கரில் நெய் ஆயில் ஊற்றி பட்டை கிராம்பு ஏலக்காய் பிரிஞ்சி இலை தாளித்து இஞ்சி பூண்டு விழுது நறுக்கிய பெரிய வெங்காயம் சேர்த்து வதக்கவும் பொன்னிறமாகும் வரை வதக்கவும்.அதில் ஸ்வீட்கார்ன் சேர்க்கவும்.பச்சை மிளகாய், மஞ்சள் தூள் கரம் மசாலா தூள் உப்பு சேர்த்து கலக்கி 2 கப் தண்ணீர் சேர்க்கவும். தண்ணீரை கொதிக்க விடவும்.கொதித்தவுடன் அரிசி சேர்க்கவும்.கலக்கி விட்டு 4 விசில் விடவும்.