கும்பகோணம் டிகிரி காபி

முதலில் காபி கொட்டையை அடிகனமான கடாயில் சூடு ஏறியதும் போட்டு வறுக்கவும் புகை வரஆரம்பிக்கும் பொழுது சிம்மில் போடவும் பிறகு தீயை ஏற்றி திரும்பவும் புகை வரும் பொழுது சிம்மில் போட்டு இப்படிபடியாக மாற்றி மாற்றி கருப்பு நிறம் வரும் வரை வறுக்கவும். காபி கொட்டை வருப்பது மிகவும் பதமாக இருக்க வேண்டும். இறக்குவதற்கு முன் ஒரு ஸ்பூன் சீனி போட்டு நன்கு கிளறி விட்டு அடுப்பை அணைக்கவும்.

இப்பொழுது காபி கொட்டை நன்கு ஆறியதும் கட்டி கட்டியாக இருக்கும் சீனி கரமலை ஆனதால் கட்டியாகி விடும் இவற்றை உதிர்த்து மிக்ஸியில் போட்டு சற்று கரகரப்பாக இல்லாமல் நைஸ் ஆகவும் இல்லாமல் நாம் கடையில் வாங்கும் காபித்தூள் பதம் வரும் வரை அரைக்கவும் அத்துடன் சிக்கரி சேர்த்து ஒரு முறை கலக்கும் வரை அரைத்து எடுத்து கொள்ளவும்

இப்பொழுது ஒரு டம்ளர் தண்ணீரில் நன்கு கொதிக்க வைக்கவும். காபி பில்டர் ஈரமில்லாமல் இருக்க வேண்டும் காபி பில்டர் இன் மேல் அடுக்கில் ஒரு வலை கம்பியை வைத்து அதன் மீது ஒரு ஸ்பூன் சீனியை போட்டு அதில் முக்கால் பாகம் வரை காபி பொடியை போட்டு விட்டு பிறகு நன்கு கையால் அழுத்தி விடவும்.

இப்பொழுது தண்ணீர் நன்றாக கொதித்ததும் அந்த தண்ணீரை சிறிது சிறிதாக காபி பொடியின் மேல் ஊற்றவும் அனைத்து காபி பொடியும் நனைந்ததும் மூடி வைத்து விடவும் அந்த காபி பொடி நன்கு ஒரு மணி நேரம் ஊற வேண்டும்.

இப்பொழுது மேலும் ஒரு கிளாஸ் சுடுநீரை கொதிக்கவைத்து சிறிதுசிறிதாக காபிப் பொடியின் மேல் விடவும் இப்பொழுது திக்கான டிக்காஷன் இறங்க ஆரம்பிக்கும். பாலை காய்ச்சி பொங்கியதும் ஐந்து நிமிடம் சிம்மில் போட்டு பிறகு வடிகட்டி எடுத்து தேவையான அளவு சீனி சேர்த்து டிக்காஷன் ஒரு ஸ்பூன் விட்டு சேர்த்துக் கலக்கவும் இப்பொழுது கும்பகோணம் டிகிரி காபி ரெடி.ஒரு டம்ளர் பால் ஒரு ஸ்பூன்டிக்கெட்டின் சேர்த்தால் நன்றாக நிறம் கிடைக்க வேண்டும் அப்படி இருந்தால் தான் காபி சுவையும் மணமும் சூப்பராக இருக்கும்.

இந்த காபியை இப்பொழுது சூடாக நுரை பொங்க ஆற்றி பித்தளை டபரா செட்டில் பரிமாறவும். சுவையான சூப்பரான கும்பகோணம் டிகிரி காபி தயார்.