வெள்ளை கொண்டை கடலை 1 கை பிடி இரவு ஊறவிட்டு காலையில் கழுவி குக்கரில் 4 விசில் வேக விட்டு இறக்கவும். தண்ணீர் வடித்து விடவும். பாசிப்பாருப்பு 1/4 கப் எடுத்து வெறும் கடாயில் சிவக்க வறுக்கவும்.பச்சரிசி 1 கப் எடுத்து அதையும் வெறும் கடாயில் சிவக்க வறுக்கவும்.

கடுகு 1 டீஸ்பூன் எடுத்து வைக்கவும்.உளுந்து பருப்பு 2 டீஸ்பூன் எடுத்து வைக்கவும். கடலை பருப்பு 2 டீஸ்பூன் எடுத்து வைக்கவும்.வர மிளகாய் 5 விதை நீக்கி கிள்ளி வைக்கவும்.முந்திரி 5 நறுக்கி வைக்கவும்.கருவேப்பிலை சிறிது கழுவி வைக்கவும். குக்கரில் ஆயில் 3 டீஸ்பூன் ஊற்றி கடுகு உளுந்து கடலை பருப்பு முந்திரி வெந்த கொண்டை கடலை வரமிளகாய் கருவேப்பிலை பெருங்காயம் தாளித்து தண்ணீர் 3 கப் ஊற்றி கொதிக்க விட்டு வறுத்து வைத்த பச்சரிசி பாசிப்பருப்பை கழுவி கொதிக்கும் தண்ணீரில் சேர்த்து கலக்கி விட்டு உப்பு சேர்க்கவும்.

குக்கரை மூடிவிட்டு 4 முதல் 5 விசில் வேக விட்டு இறக்கவும்.20 நிமிடம் கழித்து குக்கரை திறந்தால் உசிலி ரெடி. காலை மற்றும் இரவு உணவாக இதை செய்து சாப்பிடலாம்.

உசிலிக்கு சைடு டிஷ் ஆக சட்னி, தயிர் பச்சடி செய்யலாம்.தயிர் பச்சடிக்கு கெட்டிதயிர் 1 கப்,தயிரில் தேங்காய் துருவல் 2 டீஸ்பூன் சேர்த்து கடுகு உளுந்து பருப்பு கடலை பருப்பு வரமிளகாய் பெருங்காயம் தாளித்து உப்பு கொத்தமல்லி கருவேப்பிலை சேர்த்து கலக்கி வைக்கவும். சுவையான தயிர் பச்சடி ரெடி.