1 1/2 கப் ஜவ்வரிசியை இரவு கழுவி தண்ணீர் பாதி தயிர் 2 டேபிள் ஸ்பூன் ஊற்றி ஊறவிடவும். மறுநாள் காலையில் நன்கு ஜவ்வரிசி ஊறிவிடும். பாசிப்பருப்பு 1 1/2 கை பிடி கழுவி தண்ணீரில் ஊறவிட்டு வேக விடவும்.நெத்து பதமாக அப்படி என்றால் குழையாமல், வேக விட்டு தண்ணீர் வடித்து விடவும்.

ஊறிய ஜவ்வரிசியை வடித்து விடவும்.வெந்த பாசிப்பருப்பயும் வடித்து வைக்கவும்.தேங்காய் துருவல் 2 டேபிள் ஸ்பூன் எடுத்து வைக்கவும்.

பச்சை மிளகாய் 2 கழுவி விதை நீக்கி எடுத்து வைக்கவும். கருவேப்பிலை கொத்தமல்லி தழை கழுவி வைக்கவும். கடாயில் ஆயில் 3 டேபிள் ஸ்பூன் ஊற்றி கடுகு 1 டீஸ்பூன், கடலை பருப்பு 2 டேபிள் ஸ்பூன், உளுந்து பருப்பு 2 டேபிள் ஸ்பூன், தாளித்து பொன்னிறமாக வதக்கி,

அதில் நறுக்கிய பச்சை மிளகாய் கருவேப்பிலை துருவிய தேங்காய் சேர்த்து வதக்கி வடித்து வைத்த ஜவ்வரிசி சேர்த்து கிளறி வெந்து வடித்து வைத்த பாசிப்பருப்பு சேர்த்து கிளறவும்.

உப்பு சேர்க்கவும்.பொடியாக நறுக்கிய கொத்தமல்லி சேர்த்து லெமன் ஜூஸ் 2 டீஸ்பூன் சேர்த்து கிளறி இறக்கவும். முந்திரி 5,நெய் 1/2 டீஸ்பூன் ஊற்றி வறுத்து சேர்த்து அலங்கரிக்கவும்.