கீரையை ஆய்ந்து நன்கு சுத்தம் செய்து வைத்துக் கொள்ளவும். கடாயில் 1 ஸ்பூன் எண்ணெய் சேர்த்து அதில் சீரகம் கொத்தமல்லி சேர்த்து பூண்டு பல் 4 சேர்த்து ப.மிளகாய் ஒன்று சேர்த்து வதக்கி, பிறகு சுத்தம் செய்த கீரையை தண்ணீர் வடித்து விட்டு சேர்க்கவும். எல்லாவற்றையும் ஒரு நிமிடம் வதக்கவும். கீரை நிறம் மாறாமல் வதக்கவும்.

மீண்டும் வாணலியில் எண்ணெய் 1 ஸ்பூன்+நெய் 1 ஸ்பூன் சேர்த்து கடுகை சேர்த்து பொரிய விடவும். அதனுடன் முந்திரி பருப்பு அல்லது கடலைகொட்டை சேர்க்கவும். மீதி 1 பச்ச மிளகாய் சேர்த்து பின் பொடியாக அரிந்த சிறிய வெங்காயம் சேர்த்து நன்கு வதக்கவும். இதனுடன் கீரை விழது மற்றும் கடைந்த பருப்பை சேர்க்கவும். உப்பு சேர்த்து நன்கு கலந்து விடவும். பிறகு வடித்த சாதத்தை சேர்த்து சூடாக கலந்து விடவும்.

அலங்கரிக்க நெய்யில் வறுத்த முந்தரிப் பருப்பை தயாரித்து சாதத்தின் மேல் அலங்கரிக்கவும். தொட்டு கொள்ள அப்பளம் வடகம் சுவையாக இருக்கும். சத்தான சுவையான கீரை சாதம் தயார்.